आजीवन सदस्य एवम् शुभचिन्तकहरुलाई सन्देश

आज हामि थप हर्षित, भाव बिभोर र भविष्य प्रति उत्साहित भएका छौ! बिगत करिब १८ महिनाको हाम्रो साझा र अथक प्रयासले ग्रेटर सिड्नी नेपाली बहुसांस्कृतिक केन्द्र (GSNMC) करिब १२०० आजीवन सदस्यहरुको परिवार बनिसकेको छ।

आजीवन सदस्यताबाट मात्र १ मिलियन अष्ट्रेलियन डलर GSNMC को खातामा जम्मा भैसकेको छ भने थप २ मिलियन डलरको प्रतिबद्दता गतबर्ष सम्पन्न सिड्नी आध्यात्मिक महोत्सवमा दाताहरुबाट प्राप्त भएको छ।

बिबिधतापूर्ण सिड्नीको नेपाली समुदायको एउटा साझा बहुसांस्कृतिक केन्द्र निर्माणकालागि चाहिने जग्गा खरिदका लागि निश्चित टाइमलाइन सहित लक्ष्यप्राप्तिका लागि हामि अहोरात्र लागिरहेको जानकारी गराउन चाहन्छौं।

आगामी जुन ३० सम्म आजीवन सदस्यको संख्या २००० पुर्याउने र २०२६ को अन्तिमसम्म नेपाली बहुसांस्कृतिक केन्द्रका लागि जग्गा खरिद गरिसक्ने लक्ष छ। यसकालागि ग्रेटर सिड्नीमा स्थापित नेपाली समुदायका सम्पूर्ण तह र तप्कासंग सचेतना कार्यक्रम, सम्बाद र सहकार्य गर्न GSNMC को सम्पूर्ण संजाल येतिबेला क्रियाशील छ।

नेपाली बहुसांस्कृतिक केन्द्र हामि आफ्नै लागि एउटा साझा चौतारी हो, सांस्कृतिक र सामुदायिक पुस्तान्तरणको धरोहर पनि हो जहाँ हाम्रा भावी पुस्ताले आफ्ना पूर्वजको बलिदान, नेपाली एकता र सद्भावको सुगन्ध प्राप्त गर्नेछन्।

GSNMC अभियानलाई यहाँसम्म ल्याउन सहयोग गर्ने र सहभागि हुने सबैप्रति हामि अत्यन्तै आभारी छौं। आउनोस्, नेपाली समुदायको गौरव, स्वाभिमान र आत्मसम्मानसंग जोडिएको यो साझा अभियानमा हातेमालो गर्दै अगाडी बढौं।